ہمارے بارے:

وژن:

امن، یگانگت اور بقائے باہمی کے ایسے جہان کی تعمیر جس میں مسلمان کا ایک زندہ کردار ہو۔

مشن:

تصورذات اور نظام کائنات کے بارے انداز فکر میں قرآن و سنت کے مطابق تبدیلی لانا

مقصد:

جدت، ترقی اور معیارسازی کے ذریعے نظام تعلیم پر تدبر اور اس کی تدوین نو کرنا


علم و ادب سے لے کرسائنس و ٹیکنالوجی تک میدانوں میں گزشتہ تین سو برس میں مسلمان بحیثیت مجموعی کوئی موثر کردار ادا نہیں کر سکے۔ اس کی وجہ اغیار کی سازشیں ہوں یا اپنوں کی کی کوتاہی و نااہلی بہرحال یہ بات طے ہے کہ ان برسوں میں امت مسلمہ کو ناقابل تلافی نقصان پہنچا ہے۔ آج کے ’’عالمی گاؤں‘‘میں ترقی کا استعارہ علم اور فقط علم ہے ۔ وہ علم جس کے حصول کا حکم مسلمانوں کو چودہ صدیاں قبل طلب علم فریضتہ علٰی کل مسلم کی صورت دیا گیا تھا۔پروردگار کی اس کائنات رنگ و بو میں ہر طرح کا عروج وزوال اسباب و علل کے کسی نہ کسی نظام سے وابستہ ہے۔ آج مسلمان ایک ایسے نظام تعلیم کے متلاشی ہیں جو ان کی مادی و روحانی ضروریات کا بیک وقت احاطہ کر سکے۔ جس نظام کی فراہم کردہ تعلیم نہ صرف ہمہ جہت ہو بلکہ جدید ترین علوم کو قرآن مقدس اور سنت رسول ﷺکی متعین کردہ اقدار سے ہم آہنگ بھی کر سکے۔
سوسائٹی فار ایجوکیشنل ریسرچ اسی مقصد کے حصول کے لیے کوشاں ایک تھنک ٹینک ہے جو تعلیم کے مروجہ نقطہ ہائے نگاہ میں تغیر کے ذریعے نظام تعلیم میں اصلاحات اور افراد واداروں کواپنے اپنے حلقہ اثر میں بالخصوص اوردنیابھرمیں بالعموم موثربنانے کے لیے عمل پیرا ہے۔

دو عشروں سے ٹیم ایس ای آر:

  • افراد اوراداروں کی صلاحیت سازی
  • طلباواساتذہ کو تحقیق و تربیت کی سہولیات کی فراہمی
  • اورامت میں شعور وآگہی پیدا کرنے کے لیے کوشاں ہے۔